Молитва святому мученику Вонифатию об избавлении от пьянства

О многострадальный и всехвальный мученице Вонифатие! К твоему заступлению ныне прибегаем. Молений наших не отвержи, но милостиво услыши нас. Исцели братию и сестры наша (здесь следует произнести имена родственников, сродников и знакомых, о здравии которых молятся), тяжким недугом пиянства одержимыя, и того ради от матере своея Церкви Христовой и вечнаго спасения отпадающия.

О, святый мучениче Христов, коснися сердец их данною ти от Бог благодатию, скоро возстави от падений греховных и ко спасительному воздержанию приведи их. Умоли Господа Бога, Его же ради и страдал еси, да простив нам согрешения наша, не отвратит милости Своея от людей Своих, но да укрепит нас в трезвости и целомудрии, да поможет Своею десницею трезвящимся спасительный обет свой до конца сохрани, да во дни и нощи о Нем бодрствующе и добрый ответ о Нем воздати на Страшнем судище.

Приими, угодниче Божий, молитвы матерей, о чадех своих слезы проливающих; жен честных, о мужех рыдающих; чад сирых и убогих, пияницами оставленных; всех нас, к иконе твоей припадающих, да приидет сей вопль молитвами твоими ко Престолу Всевышняго. Покрый и соблюди нас от лукаваго ловления и всех козней вражиих.

В страшный час исхода нашего помоги прийти непреткновенно воздушныя мытарства, молитвами твоими избави нас вечнаго осуждения, и да покрыет нас милость Божия в нескончаемые веки веков. Аминь.

Меню

Полезные ссылки